Hulanda a conoce su cantidad mas abou di morto pa Covid-19

BILTHOVEN – Hulanda a conoce su cantidad di aumento mas abou di morto pa coronavirus, desde cu a cuminsa conta esaki 2 luna pasa. Asina e conteo official di Rijksinstituut voor Volksgezondheid en Milieu (RIVM) ta bisa. Tabatin ‘apenas’ 16 morto nobo raporta, pa un total di 5456 morto Hulandes. Di e pashentnan aki tabata confirma cu nan tabata contagia. E cantidad real sinembargo ta mucho mas halto, debi cu tin hendenan ta fayeciendo di e virus, sin cu nan a wordo getest. E cifranan di morto tambe ta poco atrasa, debi cu GGD y e casonan di morto ta keda raporta algun dia despues. Tambe a raporta ‘apenas’ 36 caso nobo di hospitalisacion. Desde e brote, tin 11.343 persona cu a keda hospitalisa. Y na tur tin 42.788 persona na Hulanda cu a test positivo pa e virus.