Despues di dos aña, atrobe Colegio Arubano ta keda sin rector

ORANJESTAD – Dos aña despues cu el a wordo contrata pa dirigi Colegio Arubano pa 1 september 2018, Michella van Loon a retira recientemente como rector. E lo keda na timon di e scol, te fin di juli 2020. Mientrastanto e scol ya caba a cuminsa busca un rector nobo. Motibo inoficial ta cu van Loon lo no a logra funciona bon cu e directiva pa cual el a dicidi di tuma honor na su mes y retira. Prome cu van Loon, Colegio a conoce un serie di rector, un tras di otro despues cu rector Hector Kolfin a retira. Despues di Kolfin, a bin rector van Tujil, Jossy Tromp, Timmermans, sigui pa dos rector interino Coster y Cameron.