Minister no por dicidi cu ‘niun mucha ta keda sinta’, sin mas

ORANJESTAD – Ta corecto cu e posibel regla ‘nobo’ of declaracion e siman aki di minister Rudy Lampe cu ‘ningun mucha ta keda sinta mas’, no ta cay pa e scolnan cu ta resorta bou di Stichting Katholiek Onderwijs Aruba (SKOA). Por lo menos, no por haci esaki, sin mas. Asina su director Anuesca Baly a contesta noticiacla.com e siman aki riba e tema. E declaracion di e minister, tin tanto mayor como docentenan preocupa y/of confundi. Mas pasobra e minister lo no tabata mucho specifico kico exactamente e kier men cu esaki. Si esaki ta pa tur tipo di scol, of un parti so. Baly mientrastanto, ta duna su interpretacion riba e loke minister a bisa riba e tema. 

SCHOOLBESTUUR TA DICIDI 

Baly ta recorda e mandatario en cuestion (lesa: Rudy Lampe) cu un decision asina (pa bin cu e regla di ‘keda sinta of no’), ta uno ‘des schoolbestuur’, esta cu ta e directivanan ta esnan autoriza pa dicidi ken ta bay over y ken no. Y nan ta haci esaki segun un normativa aproba hunto cu inspectie. For di e comentario di Baly, por compronde e ora cu e minister no por djis ‘hisa benta’ y dicidi den e caso aki, cu ‘tur mucha di un dia pa otro, por bay over’ sin mas. 

E STRUCTURA

Baly a sigui splica cu tin un structura pa cu e asunto di ‘bay over’ of no. Segun e director, e directiva di scolnan ta entrega nan ‘bevorderings norm’, esta e normativa cu ta dileña a base di kico un alumno ta sigui pa e siguiente klas of no. Pa ley, e normativa aki tin cu wordo entrega prome cu 1 di October. Y e normativa e ora ta wordo conhuntamente acorda cu Inspeccion di Enseñansa. Ora cu esaki keda entrega, si tin algo cu ta completamente radical, inspectie ta tuma nota y ta discuti cu directiva pa atende esaki corectamente. Sigur si e bay contra ley. Como ehempel, Baly ta bisa cu si e ‘bevorderings norm’ ta bisa cu tur mucha cu tin un 9, no ta ‘bay over’, esey no ta un punto razonabel, si bo ‘normativa ‘nobo’ ta bisa cu bo kier pa tur mucha (diripente) mester tin un 10 pa nan por bay over. Bo mester tin un normativa razonabel aproba conhuntamente cu Inspectie. Baly ta sigura cu den nan caso, e normativanan di SKOA a keda aproba, y como tal nan ta sigui e normativanan aki. “Minister por dicidi pa su scolnan publico, pero e no por dicidi pa scolnan cu tin un directiva como ‘bevoegd gezag’.

CON TA INTERPRETA DECLARACION DI MINISTER  

Segun Baly, e interpretacion di e declaracion di e minister di ‘keda sinta’, ta mas bien den e sentido cu e mucha no por keda sinta pasobra ‘e mucha mester bay passend onderwijs’, esta un sistema di educacion mas apropia pa e mucha. “Kico e kier men cu esey? Cu e mucha berdad no ta keda sinta, pero bo ta verwijs e mucha door, si e mucha ta na HAVO, bo ta verwijs e door na MAVO cu ta passend onderwijs p’e, y si e ta na un MAVO, bo ta verwijs e door na EPB, cu ta passend onderwijs. Esey ta loke minister kier men” Baly ta sigui splica. “E no ta bisa cu e mucha ta bay na e siguiente aña di e scol cu e mucha ta na dje. De leerling gaat naar passend onderwijs” Baly ta continua. Ta ora cu un mucha no ta cumpli cu e normativanan di e respectivo scol cu e ta na dje, e lo cambia di scol, y asina no ta keda sinta, na e scol cu e tabata. 

NO MUCHO CLALoke no ta mucha cla di e declaracion di minister, ta si esaki ta aplicable solamente pa scolnan secundario of tambe pa scolnan basico. Pasobra manera Baly ta splica, den basis onderwijs si tin un mucha cu a haya onvoldoendes pa rapport 1 y rapport 2 durante henter aña, e mucha dificilmente por bay over pa e siguiente klas. “E añanan ta bou op” Baly ta continua. Cada klas bo ta siña cierto metanan di e materia pa bo sigui haya den e siguiente klas. E ta duna otro ehempel:” Si bo no sa bo tafels den tweede, bo no por haci bo breuken den derde of vierde (klas)” Baly ta continua splica. Mes momento Baly ta haya cu den e caso aki porta mester puntra e minister mas directo kico e kier men pasobra Baly ta mustra cu segun su interpretacion, Lampe kier men ‘passend onderwijs’ pa scolnan avansa so, y no scolnan basico.Paso un alumno cu ta den basisonderwijs tin un trayecto di differente testnan pa hasi cu ta bastante largo pa manda un alumno special onderwijs cu tambe por wordu mira cu, e alumno mester bai passend onderwijs.Pues, e incertidumbre ta keda.