- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
- Presentacion ‘Bulletproof Sleep’ riba Syndroom di Apneu, na Biblioteca Nacional Aruba
- Aruba ta co-anfitrion di Torneo futbol Damas U15 Concacaf cu Trinidad y Costa Rica
- Doño di cacho abusa ‘Khaleesi’ ta dilanti huez fin di mei
ARTN Photography y SK Click a uni pa proyecto di mosaic pa Aruba
ORANJESTAD – E dos companianan ARTN Photography y SK Click a uni pa proyecto di mosaic pa Aruba . SK Click Aruba ta un compania conoci aki na Aruba cu ta ofrece servicio nan di photo booth pa diferente tipo di evento. Apesar di esaki, nan ta ofrece servicio di un mosaico. Nan ta colecta diferente potret y pone esaki hunto y ta forma un otro potret y na final print esaki riba un material grandi. SK Click a yega di haci esaki den pasado pa Filomena College Mavo (Por mira potret attached).
SK Click a acerca ARTN Photography pa colabora cu e proyecto aki. ARTN Photography tambe ta un compania conoci aki na Aruba. Ayrton Tromp di ARTN Photography no a pensa ni dos biaha pa colabora cu SK Click. ARTN Photography lo duna un potret di Aruba (cu no a wordo publica ainda) pa wordo usa den e mosaico. E idea ta pa tin un mosaico forma di hopi potret di persona nan cu ta traha den prome liña (front line). Esaki lo wordo entrega na HOH y otro organisacion nan mas despues pa nos nunca lubida cu union ta nos obhetivo y cu nos por conta cu otro pa supera e situacion aki.
Den e tempo dificil aki, un cos cu nos a siña ta cu solidaridad ta un di nos fortalesanan di mas grandi. ARTN Photography y SK Click kier a gradici for di profundo di nan curason tur esnan cu ta traha den prome liña, docter, verpleegster, ambulance, cuidado, manager, polis, brandweer, rode kruis, etc. Personanan cu a bin ta presenta na trabou dia den dia ‘fo pa yuda nan comunidad.
Esnan cu ta traha den prome liña, SK Click Aruba y ARTN Photography ta desea y ta invita bo pa bo manda nos potret dibo of hunto cu bo team pa asina nos por traha un mosaico grandi.
Please upload bo potretnan riba e siguiente link: https://skclickaruba.com/upload/*
Kes the Band di Trinidad confirma pa Flip Flop Festival na juni!
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
Video: Con a yega na titulo di documentario ‘I can’t be moe’ ?
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
Carlos Bislip cu concierto gratis di JAM riba Dia Mundial di Jazz
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
Aruba One Happy Island Lions Club y Friends of Lions a yuda mas di 500 personaden necesidad
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
Conocido musico Ivan Jansen reconoci pa su ’contribucion na herencia cultural di Aruba’
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
Conocido ciudadano Alice van Romondt ta enfoke principal di un documentario nobo
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.
Follow NoticiaCla
