Economia di Aruba completo lo habri bek 15 di juni awor

ORANJESTAD – E intencion di gobierno di Aruba ta pa habri economia di Aruba bek (internamente) aki 6 siman. A haci e mencion di e fecha di 15 di juni proximo. Asina prome minister Evelyn Wever Croes a bisa durante e briefing di coronavirus COVID 19. E hecho cu tabatin un caso positivo adicional diamars registra, no ta cambia e planificacion di reapertura di nos economia. Cada dos siman, cuminsando dialuna ultimo, lo keda evalua cada 2 siman, y asina lo continua e plan pa cada dos siman check con ta bayendo. Pero e intencion ta pa dia 15 di juni, reactiva nos economia completo internamente. Pa loke ta e frontera, esaki no tin fecha ainda, pero si tin hopi interes di aeroliñanan ta interesa pa cuminsa bula caba y hotelnan tambe ta preparando protocol pa habri nan porta.