Maduro: Venezuela a detene 2 Mericano mercenario dialuna

CARACAS (AP) — Presidente Venezolano Nicolas Maduro a bisa cu autoridad Venezolano a detene dos ciudadano Mericano entre un grupo di mercenario dialuna, un dia despues cu tabatin un razzia riba beach, cu e meta pa gara e presidente. E presidente a tene dos pasaporte Mericano blauw, y a lesa nan nomber y a mustra imagen di botonan cu a wordo usa pa e atake di diadomingo. E ta culpa Merca y Colombia, aunke ambos a desmenti nan participacion. 

E ACCION

Manera cu noticiacla.com a raporta caba, diadomingo lo tabatin un intento di atake riba un beach banda di e waf di La Guaira, ora cu forzanan di seguridad a detene dos Mericano y mata otro 8 persona (Venezolano) intentando di subi tera cu speedboat. E dos mericanonan deteni tabata identifica como Luke Denman y Airan Berry, ambos dos  ex soldat di forza special Mericano. 

ARUBA

Interesante di e caso ta e hecho cu diadomingo vice presidente di Venezuela Delcy Rodriguez a haci mencion di Aruba como pais cu lo ta yudando Merca y Colombia logisticamente y cu abastemento di gasoline. Prome minister di Aruba Evelyn Wever a confirma esaki na noticiacla.com dialuna anochi y cu ta buscando mas informacion riba e tema y ta considera e acusacionan aki como 'serio'. E tabata den contacto cu minister di Hulanda Stef Blok y tambe autoridad di Venezuela riba e tema. No tin mas informacion di con e investigacion cu ta andando, a sigui.