Sjiem Fat: Löwenstein ta landlord di Excelsior Casino cu no por cumpli cu su obligacionan

ORANJESTAD – “Excelsior Casino ta den un estado cu lo no por cumpli cu su obligacionan (financiero) y faillisement lo sigui”. Asina abogado pa e doño di e tereno riba cual Excelsior Casino ta ubica, cu ta e tereno unda cu Holiday Inn a wordo construi (Pristine Estates NV), Alfredo Löwenstein a bisa noticiacla.com dialuna. “E tereno Lowenstein ta e landlord y no por a extende e - huur mas cu Excelsior pasobra nan no tawata cumpli cu pagamento di casino gaming taxes y government controller fees” e abogado a sigui bisa. “Durante e corona crisis Lowenstein no tawata cobra huur. Excelsior ta den un estado cu no por cumpli cu su obligashonnan y faillissement lo sigui” e abogado a sigui bisa. 

CLARIFICACION

Motibo di e clarificacion dialuna di parti di e abogado Johan Sjiem Fat na noticiacla.com ta e confusion cu un otro medio di comunicacion a crea cu un informacion eroneo. Segun Sjien Fat, e noticianan aki erroneamente ta menciona cu , cu Pristine y su principal, sr. Alfredo Löwenstein lo ta doño di Excelsior Casino N.V. (“Excelsior”). Esaki no ta berdad segun e abogado. Sr. Luciano Bocchia y su partnernan ta e accionistanan di Excelsior. E ta sigui mustra cu Pristine y su principal, sr. Alfredo Löwenstein nunca no a opera Excelsior Casino y nunca a actua como doño di trabow di e empleadonan di casino. E empleadonan semper tabata den servicio di Excelsior cual situashon ainda ta sigui asina.

Pristine, como doño di e edificio ta huur e espacio unda casino ta situa cu Excelsior. Ora cu e plazo original di e huur a termina, na september 2018, Pristine y Excelsior a extende e huur te cu April 30, 2020.

Ora cu e Corona-crisis a cuminsa na maart 2020, y e casinonan na Aruba mester a sera nan porta, Pristine a bai di acuerdo pa no cobra huur temporalmente. Sinembargo y lastimamente no tabata posibel pa extende e contract di huur despues di April 2020 pasobra Excelsior no por a cumpli cu su otro obligacionnan. E otro obligacionnan aki tabata entre otro esun di paga casino gaming tax y gastonan di casino controleurs.

Pristine y sr. Löwenstein naturalmente ta lamenta e cierre di e casino y e perdida di empleo masha hopi, e abogado ta sigui bisa. Pristine y sr. Löwenstein ta forma parti di e communidad di Aruba pa mas cu 20 aña caba y nan ta keda dispuesto pa sigui contribui na economia y turismo di Aruba.

Durante e ultimo 4 añanan, Pristine, hunto cu gobierno di Aruba, ta trahando riba plannan pa renobashon y desaroyo di un projecto hotelero di alta calidad ariba e parcela di Holiday Inn. E plannan aki ta inclui un inversion substancial di Pristine y empleo y otro beneficionan importante pa economia di Aruba. E beneficionan aki ta inclui entre otro centenares di cupo di trabow den sector di construccion. Na e momento aki Pristine ta en espera di cierto aprobashon cu mester pa e projecto, di Minister di Infrstructura y Minister di Turismo. Asina cu Pristine ricibi esaki lo sigui inmediatamente cu e renobashon y desarrollo di e projecto hotelero.