Venezuela a alerta Hulanda contra uso di Aruba pa apoyo pa gruponan paramilitar

Venezuela a alerta Hulanda contra uso di Aruba pa apoyo pa gruponan paramilitar

Posted on 05/4/2020 8:34 am AST | Updated on 05/4/2020 8:35 am AST

CARACAS – Venezuela a alerta Hulanda riba e uso di Aruba pa ‘presta apoyo logistico y di fueling pa gruponan mercenario terorista. Diadomingo e vice presidente Delcy Rodríguez a reuni cu e embahador di HulandaNorbert Braakhuis riba e tema ey. Mes momento Rodriquez a informa  di duna prueba nobo cu tabatin un incursion frustra paramilitar den e estado di La Guajira, planea pa Merca y ehecuta pa Colombia. E intencion segun Rodriguez, tabata pa deroca presidente Nicolas Maduro, mei mei di e crisis di COVID 19. Rodriquez a bisa esaki durante su briefing diario riba e crisis diadomingo na television nacional di e pais. 

KICO A PASA

Segun Rodriquez, varios mercenario den boto a purba subi tera, guia pa un conocido mercenario Mericano Jordan Goudreau. Goudreau pa medio di un video, lo a confirma, segun Rodriguez, cu e eventonan di diadomingo tabata real y cu e ta tras di esaki. A confirma tambe cu su forzanan special a keda activida den parti sur, west y oost di Venezuela. 

 

 

 

 

 

 

  • Rijna: Boneiru ta contento cu por habri espacio aereo

    Rijna: Boneiru ta contento cu por habri espacio aereo

    KRALENDIJK -  ‘Boneiru ta content cu por habri espacio aereo'. Asina e mandatario di e isla di flamingo, Edison Rijna ta bisa.   Segun e mandatario, ta un señal positivo cu desde 15 di juni proximo, tin e posibilidad pa habri frontera pa biaha den Reino Hulandes. Rijna ta enfatisa si cu e decision final pa habri frontera ta cay despues di consulta cu e otro paisnan den Reino. Esaki a base di e conseho di e Outbreak Management Team (OMT) di RIVM, e team di instituto di Salubridad y  medio ambiente na Hulanda. OMT lo presenta pronto nan rapport durante e asina yama vierlandenoverleg, e consulta entre cuater pais. Entidad publico a pidi e team aki entre otro pa conseha nan con pa limita riesgo cu e virus di corona ta plama na e isla, y si mester tin cuarentena of no. A base di e recomendacionan den e raport, lo evalua y stipula fechanan pa habri espacio aereo den Reino Hulandes. E ora ey, tur e partinan di Reino ta ‘safe’ pa ricibi bishitante. 

  • Politico Heyliger di St Maarten sentencia na 60 luna di prison

    Politico Heyliger di St Maarten sentencia na 60 luna di prison

    PHILLIPSBURG – Corte a sentencia conocido politico di St Maarten Theo Heyliger na 60 luna di prison pa casi 4 miyon na soborno y labamento di placa di asunto di tereno, den e asina yama caso Larimar. E consultant cu a fungi como intermediador, a ricibi 36 luna di castigo. Su castigo ta menos como cu el a fungi como testigo di gobierno y a coopera pa resolve e caso. E ex director di di un compania di construccion a haya castigo di prison di 12 luna y falsificacion di firma. Otro sospechonan a haya trabou comunitario.   

  • Cierre frontera islanan BES prolonga te mitar di juni awor

    Cierre frontera islanan BES prolonga te mitar di juni awor

    DEN HAAG – E cierre di frontera aereo pa islanan BES (Bonaire, St Eustatius y Saba) a keda prolonga cu un luna te dia 15 di juni 2020 6’or di atardi. Asina ministernan Cora van Nieuwenhuizen y Hugo de Jonge a laga sa den un carta pa Tweede Kamer. Esey ta nifica cu e.o. TUI Fly y KLM ainda no ta welcome na Bonaire.  

  • Edison Rijna ta keda gezaghebber di Bonaire pa 6 aña mas

    Edison Rijna ta keda gezaghebber di Bonaire pa 6 aña mas

    KRALENDIJK – Edison Rijna (52) ta keda ‘re-nombra’ como gezaghebber di Bonaire pa un periodo mas. Riba peticion di secretario di estado hulandes Raymond Knops, Hulanda a prolonga e periodo cu 6 aña mas. Rijna a bira gezaghebber riba 20 di augustus 2014, reemplazando Lydia Emerencia. Prome cu esey, Rijna tabata gezaghebber interino. E re-nombracion ta drenta na vigor dia 20 di augustus proximo, ora cu e termino actual vence. 

  • Caribe a surpasa 14 mil caso positivo di COVID-19

    Caribe a surpasa 14 mil caso positivo di COVID-19

    SANTO DOMINGO – E cantidad di casonan positivo di coronavirus COVID19 den Caribe a surpasa 14 mil diaranson, mientras cu e cantidad di morto a yega 650. Asina e portal 'caribense news americas now' ta raporta. Esaki mientras cu hopi pais den region ta parse di ta bahando e curva, pero unda cu otronan ta mira un aumento atrobe. E pais porta cu tin mas caso den Caribe ta Republica Dominicano, cu a añadi 327 caso riba un solo dia y 8 morto pa un tal di 8807 caso y 362 morto respectivamente. Puerto Rico ta na di dos lulgar cu 1757 caso y 95 morto. Cuba tambe a wak un aumento ten a 1703 caso y 69 morto. Jamaica ta na di 4 lugar cu 473 caso pero cu 9 morto. 

  • Scolnan basico y secundario na Bonaire ta habri dia 11 di mei awor

    Scolnan basico y secundario na Bonaire ta habri dia 11 di mei awor

    KRALENDIJK – Aunke cu gobierno di Bonaire a anuncia suavisacion di reglanan contra coronavirus COVID 19 pa dia 6 di mei, scolnan basico y secundario lo habri bek ‘te’ 11 di mei proximo. Asina tanto gezaghebber como esun interino, Edison Reina y Curvin George respectivamente a bisa durante un conferencia di prensa riba e tema. Mescos cu e regla na Hulanda, e regla di distancia social no ta conta pa muchanan, entre nan mes, pero si entre mucha y docente y docente y mayornan. Lo usa e mesun protocol impone pa Hulanda, riba e tema. Click pa wak e protocol AKI. 

  • Powered by SETAR