Maduro: Ta evalua pa cambia placa di FASE den ‘bon di cuminda’ pa no sak’e foi Aruba

ORANJESTAD – Si gobierno (lesa: Minister di finanza Xiomara Maduro) comproba cu e suma di 950 cu gobierno a otorga na trahadonan cu no tin trabou den e crisis, manda esaki pa exterior envez di consumo local, lo tuma medida contra esaki. Y esey lo nifica p.e. cu lo duna e suma den bono di cuminda. Asina minister di finanza Xiomara Maduro tin sigur cu e placa no ta wordo saca di e pais. 

KEHO

E motibo aki ta e hecho cu a bin varios keho dilanti indicando cu no lo ta husto cu Aruba ta haya placa fia pa yuda esnan na Aruba y e placa aki ta wordo saca fo'i Aruba pa bay yuda otro Pais. Por ehempel, e 950 florin di FASE ta un yudansa cu Pueblo ta desea di mira keda den Aruba su economia. Pesey, gobierno a emiti un comunicado diabierna atardi cu si dado caso por comproba cu e fondonan aki no ta wordo usa pa consumo local, Gobierno lo por bay over na duna yudansa den forma di “bon di cuminda” en bes di den placa. Lo evalua e situacion pa wak si mester tuma e paso aki.