Si RMR no aproba plan di Aruba, mester tuma paso mas doloroso

ORANJESTAD – Si Hulanda (lesa:Rijks Minister Raad of RMR) no aproba e plan di Aruba pa e subsidio di salario (loonsubsidie), gobierno tin cu tuma medidanan aun mas doloroso. Asina prome minister di Aruba Evelyn Wever Croes a contesta Noticiacla.com diahuebs anochi durante e briefing riba coronavirus. Diabierna ta riba agenda pa RMR tuma su decision riba e plan cu Aruba a entrega siman pasa. E no ta e peticion grandi mes di loke mester ta e sosten di likides cu ta e fiansa pa cubri tur gasto normal. 

A CUMPLI CU REKISITO

Segun Wever, a cumpli cu e rekisitonan cu a wordo poni pa gobierno, pues nan (Wever) tin confiansa y ta positivo cu Hulanda lo aproba e subsidio di salario. “Pero naturalmente tin cu tene cuenta cu e hecho cu talvez e no ta wordo honra of no ta wordo honra completo” Wever a admiti. Tin diferente scenario traha pa un situacion asina, y tin diferente paso cu lo tin cu bay tuma. “Talvez mas doloroso” Wever a bisa. E no a specifica den ki direccion mester pensa e ora. Pero a bisa cu ta miho warda pa diabierna ora cu e decision cay.