A gara narcotraficante atrobe, cu na 2012 a keda deteni na Aruba

BOGOTA – E narcotraficante cu a keda gara na Aruba na 2012, Gustavo Adolfo Álvarez Téllez (50), alias Tavo o 'Gordo' a keda gara atrobe, e biaha aki na Colombia. Asina e portal Colombiano El Tiempo ta raporta. Tabata siman pasa diasabra mainta cu esaki a tuma lugar. A ofrece 580 miyon peso (casi 300 mil florin) pa informacion di su captura. Mescos cu tempo di e detencion na Aruba na 2012, e operación tabata coordina entre  polis, fiscal general di Colombia y e Agencia Antidrogas di Merca DEA. Nan a gare durante un fiesta na un di su fincanan.  Álvarez Téllez, ta considera como e hefe di structura di e asina yama   'Caribe' del 'Clan del Golfo'. Na mei di 2012 a capture na Aruba hunto cu un operacion di DEA y Hulanda. A extradite e tempo ey pa Merca unda cu e la sinta un castigo di apenas 2 aña y a bolbe Colombia na 2014. Ora cu el a bolbe el a uni na e cartel del Golfo. Ta premira cu Merca lo bolbe pidi su extradicion.