Ciudadanonan na St Maarten no ta respetando toque de queda

PHILLIPSBURG – Na St Maarten, polis tabatin su man yen debi na e hecho cu habitantenan no ta respeta e toque de queda. Un dia despues cu a para un ‘jouvert morning’ ilegal, mester a atende cu un grupo grandi di hende cu a dicidi di bay riba Simson Bay y haci como ta un dia normal. Fuera di esaki, e ciudadanonan ta haci como si fuera ta dianan normal y ta trafica den gran cantidad riba caminda, no respetando e reglanan. E comportacion aki ta refleha tambe den e cantidad di mortonan cu tin relaciona cu coronavirus COVID 19 cu ta poni awor na 13. Di e cantidad aki, 11 ta hende cu ta bin di afo. Potret cortesia Daily Herald St Maarten.