Minister na Corsou lo entrega keho contra menasa di morto

WILLEMSTAD – Na Corsou, minister di Economia Giselle McWilliam ta bay entrega keho na Ministerio Publico contra un persona cu a menase cu morto riba Facebook. Esaki ta trata di e rabia cu tin den comunidad y particularmente algun persona riba e medidanan cu gobierno a y ta tumando rond di e crisis di coronavirus. PArticularmente e asunto di cera loteria, manera Robbie’s Lottery. Den cuadro di esaki, a haci un menasa pa cual e mandatario a entrega e keho. Esaki ta di dos biaha den algun siman cu tin menasa di morto contra un mandatario di Corsou. E prome tabata contra actual prome minister Eugene Rhuggenaath. E menasa actual, ta bisa lo siguiente riba e pagina di facebook di e mandatario femenino:  “MAL K…. ROBBY TA NN MESTER MATA E MUHE EI MES PE LAGA PND. DEGASEADO DI MUHE BO TA NA KORSOU KOS K….. TA PASABU”.

Cortesia Extra Curacao.