Debi na crisis di COVID 19, tin aumento grandi pa comestible pa famianan den necesidad

(ADVERTORIAL)

ORANJESTAD – E situacion pa ayudo na famianan den necesidad a aumenta na Aruba durante e crisis di COVID 19. Durante un operacion di ‘duna bek’ na comunidad, Meta Corp su director Eddie de Veer a compronde di e directora di Fundacion Pa Nos Comunidad (FPNC Aruba) cu prome cu COVID 19, nan ta tabata yuda mas of menos150 famia, y awor durante COVID 19, esaki a aumenta te na mil (1000) famia. Recientemente MetaCorp y 3 truck di e compania New York Laundry (parti di MetaCorp) a asisti e fundacion. “Como compania, semper nos ta informa pa wak unda y con nos por duna bek. Ta un honor y placer, cu hunto cu New York Laundry Aruba, nos por a duna un man na e trabou duro di Fundacion Pa Nos Comunidad (FPNC Aruba) cu pa motibo di e crisis a mira un aumento grandi di famia den necesidad di comestible” De Veer a bisa.

Personanan cu ta desea di haya yudansa por tuma contacto cu FPNC na 588-0002 of via Whatsapp na 562-4205. “Por fabor, keda cas y scucha di nos expertonan y mandatarionan!” de Veer a finaliza bisando.