Candela di cas ta laga doño cu varios kemadura

ORANJESTAD – Un cas di palo na Macuarima ta kima por completo. Diaranson pa mas o menos mey anochi, tres truck di brandweer ta wordo manda cu hopi urgencia na un adres, na Macuarima, caminda un cas di palo ta completamente na candela. Na yegada nan ta topa enberdad cu e cas full na candela y e candela tabata mensando algun auto staciona banda di e cas. Segun un habitante, nan lo a haya holo di candela y mesora a drenta saca e mama. Manera cu nan a saca e mama, e candela a expande hopi lihe mes. Tabata tin varios explosionnan fuerte cu bisiña nan tabata tende tras di otro. Brandweer hopi lihe a sa di controla y combati e candela. E doño di e cas a ricibi varios kemadura na su brasa y lomba. Ambulance a yega na e sitio y despues di a trata e homber nan a dicidi di transporte pa hospital, mirando cu su kemaduranan aparentemente lo ta di segunda grado.