Sindicatonan a bolbe bati na porta di VNO pa intermediacion

ORANJESTAD – Pa di dos biaha den un corto tempo, tres sindicato ta bati na porta di gobierno Hulandes pa intermediacion pa cu nan situacion. Diamars atardi atrobe, e sindicatonan SEPPA, SPA y SIMAR a acerca e director di representacion di gobierno Hulandes na Aruba VNO, David Abraham pa intermedia pa e sindicatonan e siman aki. E tres sindicatonan ta referi na e hecho cu prome minister a dicidi unilaterlamente diabierna riba e ‘acuerdo di reduccion di salario di e ambtenaarnan’. Diabierna awor Rijks Minister Raad (RMR) ta trata e asunto aki. Loke cu e sindicatonan kier ta pa cu e intervencion aki, Hulanda ‘huzga e peticion di Aruba den un perspectiva corecto’. Cu esaki kier men cu kier pa tene cuenta cu e pensamento di e sindicatonan en cuestion y cu no por ‘hala nan un banda’ y viola democracia. Lesa e carta cu e sindicatonan a manda awe pa VNO, AKI. NOTA: E potret ta un file shot di noticiacla.com y no ta uno di e situacion real.