Trabou di construccion chikito y mediano por cuminsa bek otro siman

ORANJESTAD – Entrante 6 di mei, construccion por cuminsa bek na Aruba. Esaki prome minister Evelyn Wever a bisa durante e briefing riba coronavirus diamars anochi. E ta comienso di e reapertura di nos economia. Otro siman 4 di mei, companianan di construccion por aplica pa badge pa nan trahadonan cu lo cuminsa bek cu proyectonan chikito of mediano di construccion. E permiso aki ta valido pa 15 hende of menos na un sitio, cu ta e regla nobo pa e proximo dos siman. Despues di dos siman, lo evalua e situacion y posiblemente aumenta e cantidad di persona cu por forma parti di un proyecto di construccion. E regla nobo ta conta pa proyectonan comercial y priva tambe, pero tur hende mester pidi permiso na DOW si, cu ta entrante 4 di mei proximo.