Gobierno Hulandes ta sostene KLM cu entre 2 pa 4 biyon euro

AMSTERDAM  - Gobierno Hulandes ta sostene e aeroliña nacional KLM cu entre 2 pa 4 biyon di euro. Con esaki lo funciona, no ta conoci ainda. Minister di finanza Hulandes Hoekstra ta pensa riba garantianan. E aeroliña ta mucho importante pa no haya ayudo. Pero condiciona na p.e. reduccion di salario di personal, no tin pago di dividend of ganashi, y mester traha riba e.o. sostenibilidad. No ta descarta cu salario di pilotonan tambe mester baha. E sosten financiero ta specificamente pa KLM y no pa e compania madre Air France-KLM. E compania Hulandes a keda afecta seriamente pa e virus. Debi na restriccion di buelo, 90% di e flota ta na tera. Pa loke ta e efecto economico, esaki ta grandioso. KLM ta emplea 35 mil persona pero tin hopi empresanan Hulades cu ta indirectamente dependiente na e compania y e aeropuerto Hulandes Schiphol.