Tin 6 dia cu no a raporta caso positivo nobo na Aruba di coronavirus

ORANJESTAD - Tin 6 dia cu no a raporta casonan positivo nobo na Aruba di coronavirus. Awe e cantidad di caso positivo a keda mescos, 100 den 1626 test hasi. Tin 6 dia consecutivo sin un caso nobo aserca, cual ta un bon señal, pero no kiermen cu e peor a pasa caba. Asina prome minister Evelyn Wever a raporta dialuna atardi. Mientras tanto tin 73 persona cu a recupera, y 25 patient cu ta activo ainda, di cual 4 ta recuperando na hospital. Pues nos mester ta cautoso y keda paden. “E virus ta eyfo ainda wardando pa abo pasa piki’e pa bo hiba cas” Wever a sigui ripiti.  “Pa mas informacion kiko lo wordo flexibilisa e siman aki, sintonisa e conferencia di prensa mayan diamars 28 april 7or” e mandatario a finalisa bisando.