Hildward Croes hiba na su ultimo lugar di sosiego diamars atardi

ORANJESTAD – E musico arubiano cu a haya e apodo ‘El Principe’, Hildward Croes a haya su ultimo lugar di sosiego awe tardi. Despues di un proceso cu a cuminsa for di momento cu su restonan a yega Aruba diabierna, e despedida elabora di e principe a yega na su final. Cu un santo sacrificio di misa na Misa di Santa Cruz, famia, conocirnan y amigonan a dispidi di nan ser keri, pa despues continua pa santa catolico na e misa mes. For di 12’or di merdia e urn cu e shinishi di Hildward tabata den misa pa tur cu kier a dispidi, haci tal y esaki tambe a sosode. Notable tabata presencia di amigonan musico y personalidadnan di exterior cu a bin rindi e ultimo homenahe na nan amigo. Mayoria di nan a yega Aruba for di diadomingo pa no perde e condoleance di diadomingo, sigui pa e tributo musical di ayera riba Plaza Betico. Por haya un bista fotografico di e momentonan final di awe tardi, di e entierro di Hilward ‘El Principe’ Croes. Cu e sosega na paz.