Miembro di team medico cu a yega Corsou mes tabata infecta cu coronavirus

WILLEMSTAD – Un di e miembronan di e team medico cu a bin di Merca pa reforsa esun di Corsou pa bringa e coronavirus y trata pashentnan cu ta infecta y den ICU, ironicamente a resulta di ta positivo pa coronavirus e mes, hasta prome cu el a yega Corsou.nan ta forma parti di e compania AMI Expeditionary Healthcare, miho conoci como Aspen Medical International AMI. Nan ta prove servicio medico na instancia internacional.E epidemiologo di Corsou Yzzy Gerstenbluth a confirma e contagio diabierna durante e conferencia di prensa riba coronavirus na Corsou. E team di 85 persona tin entre nan medico y tambe algun enfermera profesional. Tur mester a bay cuarentena pa 14 dia prome cu nan cuminsa cu trabounan di yuda   na Corsou. Segun e matutino Extra, ta bon ku dr. Gerstenbluth a para riba su punto, pasobra a resulta cu un di e personanan aki a test positivo pa e vírus Covid-19. Ya caba a tuma contacto cu Hulanda pa asina manda e persona aki Merca bek, asina dr. Gerstenbluth a duna di conoce.

INFECTA FOR DI MERCA

A bin resulta cu un di e miembronan di e team for di Merca a test positivo for di na Merca pero pa di un  of otro motibo a logra drenta e grupo toch cu a bini Corsou. Ayera nochi Gerstenbluth a haña sa di esaki y mesora a tuma accion. A isola e persona pa e no infecta otro miembronan di e team Mericano. Por bisa cu riba rednan social, hendenan na Corsou a reacciona basta rabia y indigna cu e noticia aki. NOTA. Ta bon pa clarifica cu e personanan riba e potret, cu ta parti di e team cu a yega Corsou,  no ta necesariamente un di e personanan cu ta contagia cu COVID-19. 

PARTI DI GRUPO DI ARUBA

Tin informacion cu e grupo ta parti di un grupo mas grandi, di cual un parti a sigui pa Aruba despues. Na Aruba, a confirma mientrastanto cu ningun a test positivo pa coronavirus y tur e 21 personanan di e grupo a drenta den cuarentena obligatorio, pa 14 dia. 

Cortesia Extra Curacao