Knops irita cu salario halto den nv nan di gobierno den Caribe Hulandes

DEN HAAG – E asunto di salario halto den nv’nan di gobierno ta sigui irrita gobierno Hulandes. Durante un conferencia di prensa di secretario di estado Hulandes Raymond Knops, esaki tabata hopi cla. “No por ta asina cu nos como Hulandes mester duna ayudo di emergencia na hendenan na Corsou, St Maarten, Aruba y islanan BES, y di otro banda hende ta pagando mucho poco impuesto y tin salario mas halto, financia cu fondo publico. Esey ta inaceptabel!.” Knops a bisa. E kier pa politiconan responsabel tuma paso, y drecha e situacion. Mester bisa tambe cu Knops a menciona Aruba cu a tuma e prome paso den bon direccion (Wever-CroesNorm) y cu otro islanan tin cu tuma ehempel na esaki. 

SALARIO HALTO

 “Loke mi ta wak ainda ta salarionan exorbitante den nv’s di gobierno. Esaki no por mas” Knops a bisa. “Para esaki, traha ley, aboli y traha mesora riba dje. Manda e señal (manera cu Aruba a haci)”, e mandatario a sigui bisa.  “  Mi a duna un mensahe hopi cla riba esaki” Segun Knops esaki no por mas, y esaki mester wordo atendi y ta responsabilidad di politiconan pa bay atende tambe y pa no perde tempo cu esaki. Scucha e declaracion AKI.