No por aplica WeverCroesNorm pa tur contract di director

ORANJESTAD – E decision di gobierno pa implementa e WeverCroesNorm riba salario di directornan di companianan estatal, lo no conta pa tur e contractonan cu tin (di directornan). Asina premier Wever Croes a informa noticiacla.com diaranson anochi durante e coronavirus briefing. Esaki pasobra enberdad, Gobierno por spera casonan legal di directornan di companianan estatal si implementa e ‘WeverCroesnorm’ manera a keda anuncia diaranson ultimo. Pues e decision ey no por afecta tur e contractonan cu ta na vigor aworaki” Wever a admiti. 

ALGO GRANDI

Asina mes, gobierno ta sinti cu e hecho so cu a tuma e decision aki na Aruba ta algo grandi. “Nos lo percura pa e haya su cuadro legal” Wever a bisa. Mes momento e ta bisa cu e decision ey no por afecta tur e contractonan cu ta na vigor aworaki” Wever a admiti. Pero ta haci un apelacion riba tur hende pa ta solidario riba e tema aki. Ta trata di e regla ‘nobo’ manera cu tin na Hulanda for di 2006 (Balkenendenorm) cu ta prohibi directornan di companianan pa gana mucho mas cu un prome minister. E norma ta 130% di e salario di un prome minister.