Tjon: Berdad a stop supermercadonan di bende loke no ta ‘esencial’

ORANJESTAD – Alto Comisario Interino Vanessa Tjon-Kock a admiti diaranson anochi cu gobierno a limita loke supermercadonan ta bende como producto. Esaki ta contesta riba pregunta di noticiacla riba e critica cu e taskforce di coronavirus a prohibi (cierto) supermercadonanpa bende productonan cu ta considera ‘no esencial’. Tjon a bisa ademas cu ta bay discuti e asunto aki, y wak con finalmente esaki ta bay cana. Segun Tjon, por compronde cu supermercadonan no ta tene nan mes na djis bende lo esencial (cuminda) pero ta bende mas cu esey. Mester bisa si cu no ta tur supermercadonan ta aplicando e regla ‘nobo’ aki. 

NO A TENE CUENTA CU MERCANCIA

Segun Tjon, berdad cu a duna e oportunidad na supermercadonan pa keda habri. “Pero e momento ey no a tene cuenta naturalmente cu tur loke e supermercadonan lo por bende, los di cuminda” Tjon a bisa. Esey ta awor un punto di discussion un biaha mas. 

CRITICA

Tabatin critica den comunidad cu diripiente ta mira partinan di e supermercado, tapa cu klechi of paña, of cu tape, cu e mensahe cu gobierno a prohibi pa bende cierto producto. Como cu esaki no a keda anuncia publicamente, a cuestiona esaki via rednan social. Ademas a cuestiona e hecho kico ta esencial y kico no, y ken por dicidi esey, siendo cu tin regla y ley cu ta determina esaki delanta. Notable ta cu un investigacion chikito di e portal aki, a resulta cu no ta tur supermercado tin e restriccion aki ‘ainda’, sino algun si y algun no.