Cinco sindicato a rechasa proposicion pa reduci salario

ORANJESTAD – Un total di 5 sindicato (di e grupo di 13) a informa gobierno diaranson anochi cu nan no ta acepta e proposicion di gobierno pa loke ta e ‘reduccion di salario’ pa cu e crisis di COVID19. Asina e sindicatonan SIMAR, SADA, TOPA, SEPPA y SPA a bisa den un carta na conseho di minister. E problema ta cu ta solamente ministernan ta entrega loke a propone, pero no parlamentarionan. Segun e sindicatonan en cuestion, gobierno a impone envez di negosha. Segun e sindicatonan, nan por ta 5 sindicato di e 13, pero cu e ta suficiente peso pa sector publico. Esta cu nan tin un representacion grandi di sector publico. 

DEAL

Segun e sindicatonan, durante e prome encuentro cu gobierno, nan (gobierno) a indica cu tur hende mester haci sacrificio. Sinembargo e loke cu gobierno a presenta no ta refleha esaki. Entre nan e porcentahe di salario cu Parlamentarionan ta entregando compara cu minister. Segun e sindicatonan, ministernan y parlamentarionan mester entrega igual, esta 20%. Pa loke ta companianan estatal, gobierno kier instrui, y despues ta pidi. Tambe no ta corecto cu e conseheronan no ta entrega. Ta aplaudi cu gobierno a reduci e cantidad di conseheronan, pero mester haci mas durante un crisis. Lesa e carta completo AKI.