Wever: Sin fiansa di Hulanda, no por garantisa placa pa salario

ORANJESTAD – Cu e mensahe na sindicatonan, cu si no actua awor, Aruba ta perde e chens pa haya fiansa di Hulanda, y cu no por garantisa pago di salario mas, prome minister Wever a manda contesta 13 sindicato diaranson atardi. Mientras cu Wever ta gradici e sindicatonan pa nan preocupacion, e ta mustra mesora cu ‘loke por conclui sinembargo ta cu no tur sindicato ta riba un liña’. Segun Wever, di e 13 sindicatonan, 4 tin cierto problema. Pero por sinti cu a tuma e decision, y cu porta ta habri pa ‘tuma un decision riba e demas condicionan cu lo tuma mas tempo’. 

TEMPO NO TIN 

Segun Wever, e carta di awe ta nan prome reaccion di e reunion di dialuna. Y cu mientras cu nan ta dispuesto pa pensa riba e condicionan, tempo no ta na nan fabor. ‘Ta hopi importante pa awor nos manda nos plan pa Hulanda, pa por bin na remarke pa e ‘zachte lening’ pues e fiansa sin interes’, ta loke Wever ta bisa den e carta. Y si no actua awor (prome cu 1 di mei 2020), Hulanda lo no duna Aruba e prestamo. Y sin e prestamo di Hulanda, ‘lo no por garantisa cu tin placa mas den caha di gobierno dentro di algun siman pa paga salario’.  Lesa e carta AKI