Polis a gara ladron di un kiosko di cual doño ta desconoci

ORANJESTAD – Polis ta buscando doño di algun kiosko cu a haya bishita di ladron diaranson mainta. E ladron ta deteni y e mercancia confisca, pero no sa ken e doño di e establecimento ta. Segun vocero di polis Lito Laclé, awe mainta pa mas o menos 10:55am central di Polis a manda un patruya na Royal Plaza Mall te L.G. Smith Boulevard pa un caso di ladronicia. A bin resulta cu un persona lo mester a horta den un di e kiosko net otro banda di Royal Plaza Mall. E kioskonan aki no tin nomber. Recherche di districto 1 ta pidi encarecidamente si por yuda yega na e doño pa asina nos por tuma un denuncia mirando cu recherche di districto 1 (DAR1) tin un persona deteni y a confisca mercancianan procedente di e ladronicia. Si un hende por sa ken ta e doñonan di dicho kioskonan ey pa por pone na altura pa tuma contact cu Centra di Polis na 100 of na 527-3151. Di antemano danki.