Lo aplica ‘Wever-Croesnorm’ pa directornan di companianan estatal

ORANJESTAD – Pa companianan estatal di gobierno, gobierno lo implementa e asina yama Balkenendenorm, aunke na Aruba a yama esaki ‘apropiadamente  e ‘Wever-Croesnorm’, (e ta mescos cu e Balkenendenorm (mesun suma)) cu ta un maximum pa directornan di e respectivo comanianan. E Wever-Croesnorm lo ta pues e maximo pa salario di tur director di companianan estatal, di maximo 130% di entrada di minister president. Tur esaki lo keda tambe despues di e crisis. Como tal Gobierno como accionista lo instrui tur e companianan pa implenta reduccionnan den cada compania tambe, como nan aporte di solidaridad.

WEVER-CROES NORM

Si tene na cuenta cu salario di un prome minister ta un poco mas cu 15 mil florin, e norma maximo pa un director di compania estatal, lo por bira maximo 19 mil florin pa luna, si tene na cuenta cu e norma ‘nobo’ di 130% di e entrada di prome minister. Atrobe, esaki ta un medida structural pa awor y pa despues di e crisis. E suma por varia un poco, dependiendo na e 'extras' cu ta bin riba e salario. 

TEMPORADA DI CRISIS

Pa e temporada di crisis lo pidi un aporte di solidaridad adicional similar di 20% di directornan, y 12.6% di empleadonan. Pa loke ta e comisarionan den hunta di comisario, tambe lo entrega 20% di e renumeracion. Algun ya a entrega 100% caba, pero un minimo di 20% lo wordo aplica pa tur comisario.

BALKENENDE NORM

E asina yama  Balkenendenorm a bin na 2006 na Hulanda durante e periodo di gobernacion di e tempo ey prome minister Jan Peter Balkenende. Segun e norma aki, directornan publico no por a gana mas di 130% di e salario di e prome minister.  Ora cu durante su periodo di gobernacion (2002-2010) a bin un aumento di indignacion social riba e salarionan halto ( y compensacion di retiro) den sector publico. Mester a haci un ‘statement’ e tempo ey y a pone un maximo pa e directornan e tempo ey cu a haya e nomber ‘Balkenendenorm’.