Despues di un luna di TDQ, detencion a baha te 2 persona

ORANJESTAD – Net un luna despues cu gobierno a introduci Toque de Queda (TDQ) como medida pa yuda combati e impacto di coronavirus, e cantidad di detenido a yega e cantidad di mas abou, esta 2. E prome anochi di TDQ (22 di maart 2020) tabatin 31 detencion, y e siguiente dia 45 cu ta e cantidad mas halto. For di e dia ey, el a keda fluctua basta, y a yega un punto mas abou di 5, pero despues a cuminsa subi atrobe. Esey a pone cu autoridad mester a adapta e ley y reglanan pa esnan cu keda deteni. Ta parce cu esaki a logra su meta y cu diaranson (awe) a logra e cantidad di mas abou. Asina mes, e mester ta 0 detencion, pero por lo menos e la baya drasticamente atrobe. E TQD ta keda na vigor te por lo menos 29 di april 2020.