Aruba Airlines ta spera di por cuminsa opera bek na juni 2020

ORANJESTAD – E aeroliña local Aruba Airlines ta spera cu cos por ‘normalisa’ y pa bula bek na juni proximo. Por lo menos esey ta pensamento di country manager Frank Arendsz na noticiacla.com. E aeroliña, mescos cu tur otro aeroliña ta ‘na tera’ desde maart ultimo. E ultimo biaha cu a bula, tabata fin di maart y esaki tabata riba peticion di gobierno pa repatria nos ciudadanonan di afo. Segun Arendsz e resto di trahadonan ta na cas for di 13 di maart. 

SALARIO Y TRAHADO NA CAS

Arendsz a sigura cu un bon cos ta cu e salario di maart a wordo paga completo caba y esey ta un trankilidad. E resto, no ta garantisa. For di April on no ta bay paga door di cu no tin income. Trajadonan a wordo notifica “ Arendsz ta sigu ibisa. Mientrastanto tin algun trahado trahando for di cas, y e departamento di mantenimiento ta sigui riba un ocupacion minimo pa sigui cu e programa di mantenimiento di e avionan. E empleadonan mientrastanto por a aplica pa e subsidio di gobierno di 950 florin, en espera di e reapuertura na uni. E aeroliña ta conta cu 250 trahado y tres avion, 1 CRJ, y 2 airbus A-320.  

LOCKDOWN PROLONGA

E lockdown aereo ta prolonga te cu dia 31 di mei proximo. Tin posibilidad dependiendo di e situacion, cu por habri esaki bek pues na juni, sea ta parcialmente, y cu posibilidad pa bula entre e islanan mes. Pero esey lo depende di e situacion riba e otro islanan Bonaire y Corsou. No ta conoci si esaki lo por bira e ruta por lo pronto di e aeroliña local. NOTA: E potret ta saca durante un entrevista anterior na februari 2020.