Di 10 mil persona cu a registra pa FASE, 2 mil no a registra completo

ORANJESTAD – Entre 3 pa 4 mil persona e siman aki lo mester ricibi nan prome pago conforme e proyecto FASE, segun prome minister Evelyn Wever Croes a bisa dialuna anochi durante e briefing riba coronavirus. E ta menciona cu como 10 mil persona a registra caba pa bin na remarke pa e ayudo financiero (950 florin) durante 3 luna, pero cu 2 mil persona nan informacion no ta completo. Como tal a haci un suplica na e personanan aki, pa sigura cu nan informacion ta corecto, sino nan no por haya e ayudo financiero. E ayudo aki ta un forma di gobierno pa sostene trahadonan cu a keda sin trabou, y a perde nan salario completo di un dia pa otro.