Albertus: Gobierno mester entrega mas di nan salario

ORANJESTAD – Gobierno por duna mas. Esaki no obstante cu gobierno a aumenta e 15% cu nan a ofrece prome, te na 20%. Esaki ta e pensamento di sindicato SIMAR su presidente Josephine Albertus dialuna atardi na noticiacla.com despues di a reuni cu gobierno. Hunto cu mas sindicato, SIMAR a reuni dialuna atardi cu gobierno riba e tema entrega di salario y cuanto esaki lo bira. Segun Albertus, gobierno a bisa di ta dispuesto pa bay mas cu 15% di entrega, y a menciona 20%. Pero nan (sindicato) ta sigui para ariba cu gobierno por duna mas cu esey. No a yega na nada concreto y ta keda na gobierno awor segun Albertus, pa yama sindicatonan bek cu sea un contra oferta of un decision final di kico e entrega lo bira. Diabierna, gobierno y sindicatonan a reuni prome biaha riba e tema, y a duna otro tarea pa e fin di siman cu a pasa. Y awe dialuna  partidonan a topa otro pa wak kico a yega na dje. NOTA: Potret ta di un reunion anterior cu sindicato SIMAR a tene hunto cu SEPPA, na edificio di SIMAR aña pasa.