Prijs di petrolio Mericano a baha bou di $0 pa prome biaha den historia

NEW YORK – Prijs di petrolio na Merca a baha bou di $0 pa prome biaha den historia dialina. Esaki kier men cu productornan di petrolio ta pagando cumpradonan pa e petrolio, pa miedo cu nan lo no tin lugar pa almacena esaki na mei. Demanda pa petrolio a caba, tanten cu lockdown rond mundo ta teniendo hende paden. Como resultado companianan di petroliio a resorta na huur tankeronan pa almacena e surplus di petrolio, y a forza e prijs di petrolio pa baha bou di 0 dollar. Pues cifra negativo.  Un bari di petrolio di p.e. West Texas Intermediate (WTI) e punto di referencia pa petrolio Mericano, a cay –US$ 37.63 pa bari.