Coronavirus Taskforce a cera varios carwash cu a viola regla

ORANJESTAD – E taskforce di coronavirus cu ta subi caminda pa controla lugarnan, a cera un total di 6 carwash cu tabata habri. Esaki pasobra nan no ta forma parti di e lista di negoshinan esencial cu por ta habri durante e medida di Shelter in Place. Asina prome minister Evelyn Wever a bisa durante e briefing di coronavirus diabierna anochi. E grupo aki ( cu ta consisti di varios departamento), a bishita un total di 241 lugar diabierna, di cual a cera 6 negoshi, tur car wash. En total for di momento cu a lanta e taskforce aki, a bishita 1177 lugar durante curso di e dianan cu a pasa. E grupo lo sigui vigila y tin tur autoridad pa actua. No ta confirma cu e lugarnan cu a cera, a haya un multa acerca.