SIMAR: Gobierno kier ambtenaar entrega parti di salario y toelage

ORANJESTAD – Gobierno a informa gremionan sindical diabierna merdia cu kier bin cu un plan di solidaridad unda cu ambtenaar ta entrega 5% di su salario, 50% di vacantie uitkering y toelage y a cambio, gobierno (lesa:ministers y parlamentario), lo entrega 10% di nan salario y 50% di nan beneficionan tambe. For di por lo menos un sindicato (SIMAR), noticiacla.com a compronde cu no ta di acuerdo cu e proposicion, pasobra e diferencia ta mucho mas grandi entre un gobernante y un ambtenaar. E sindicatonan lo bay den nan seno pa asina delibera y a haya maximal te dialuna pa dicidi. Ora cu segun Simar, a pidi pa mas tempo, a bisa cu esey lo no tabata posibel.