Encuesta di Noticiacla riba ceramento di scol na Aruba

ORANJESTAD – Manera ta conoci scolnan na Aruba ta keda cera te cu 11 di mei proximo debi na e coronavirus. Gobierno a manda cera tur scol na maart y despues a dicidi pa prolonga esaki varios biaha. E pregunta ta surgi awor, cu si ta responsabel pa tene scolnan cera mas largo (te vacantie grandi cu posibilidad pa haci e vacantie mas chikito) of habri e scolnan bek awor y duna vacantie grandi regular. Varios pais ta debatiendo riba esaki, incluyendo Hulanda. Noticiacla.com a traha un encuesta chikito riba su pagina di Facebook, cu e dos opcionan aki. Nan ta berdad limita, pero a pone di tal forma cu por compronde e mensahe toch. Bo por participa tambe te cu diadomingo merdia 12’or, y añadi si bo ta un docente of un mayor. Pa participa, click AKI.