HOH a yuda pa prome pashent haya chemo na Bonaire

ORANJESTAD/KRALENDIJK - Esaki ta prome biaha den historia cu tratamento di chemo a tuma luga na Bonaire y Hospital di Aruba a contribui na esaki. Asina e vocero di HOH a informa diahuebs atardi. Dr. Horacio E. Oduber Hospital ya pa algun an?a ta brinda algun servicio medico na e islanan di Bonaire, Saba y St. Eustatius. Ultimo simannan door di e pandemia mundial di coronavirus pashentnan oncologico cu mester ricibi tratamento no por a bini pa haci esaki. Den momentonan asina sigur e expertonan di HOH su botica no a para keto y a yega hunto cu Fundashon Mariadal na Bonaire riba e idea pa asina traha e chemo y transporta esaki pa pashentnan por ricibi nan tratamento na Bonaire. Hospital su botica a haci esaki posibel hunto cu departamento di Oncologia y facturacion. Esaki ta prome biaha den historia cu tratamento di chemo a tuma luga na Bonaire y Hospital di Aruba a contribui na esaki.