Bonaire tin su prome caso positivo di coronavirus

KRALENDIJK – E isla di Bonaire a conoce su prome caso positivo di coronavirus. Diahuebs merdia gezaghebber Edison Rijna a confirma e prome caso.For di e informacion acumula, Rijna a bisa cu casi tur probabilidad, e fuente ta un contacto cu un persona di pais Aruba. Esaki a tuma lugar algun siman pasa segun Rijna. “E persona di Aruba cu tabatin contacto cu ne, tabatin simptomanan leve di COVID-19” Rijna a sigui bisa. Despues di e contacto, e persona (di Bonaire) a bira malo despues di algun dia. “E persona riba su mes como medida preventivo a keda den cas y a test e persona aki pa e virus di corona” Rijna a sigui bisa. E persona infecta, tabatin masha poco contacto cu otro persona rond di dje. Toch a tuma contacto cu e personanan den su ambiente directo pa investiga si nan tin simptomanan. E persona mes contagia ta recuperando, y ta mustra bon di salud. Mes momento a mustra cu no ta necesario pa bay den un lockdown y cambia e medidanan cu ya caba ta na su lugar, ya cu tin indicacion cu e virus lo no sigui plama na Bonaire. Scucha e declaracion di gezaghebber Rijna AKI.