Hulanda ta debate si ta corta zomervacantie of extende orario di scol

AMSTERDAM - Na Hulanda ta debatiendo riba e asunto di scol, den sentido cu si tin cu prolonga e ‘ciere di scol’ como medida pa coronavirus pa resto di e temporada di scol aki y/of reduci e zomervacantie. Segun e onderwijsraad di Hulanda, nan a sugeri pa si alumnonan no por bay scol ainda despues di e vacacion di mei pa motibo di e coronavirus, pa introduci un ‘zomerschool special’. Tambe mester cuminsa pensa na corta e zomervacantie. Asina nan a pone den un conseho pa minister di Enseñansa Slob. Tambe ta papia di alarga e orario di scol te cu 4’or y 5’or di atardi (pa scolnan cu ta cuminsa 8’or y 9’or di mainta respectivamente). Esaki ta haci cu docentenan ta haya mas tempo pa ‘haal in’ e atraso di awor. 

Tambe ta pensa di haci e zomervacantie mas cortico of hale mas dilanti. Puntonan cu ta pisa segun e hunta, ta cu mayornan ta spera cu ainda nan lo por tin un tipo di zomervacantie, y docentenan ta kehando riba e presion grandi cu nan tin durante e ‘enseñansa riba distancia’. E problema mas urgente ta e alumnonan vulnerable, pa cual no ta safe pa nan ta na cas, y unda cu falta di sosten di e.o. material of lugar pa haci les. Segun e insituto di hoben na Hulanda, di cada 100 mucha, 3 ta wordo sea abusa of maltrata. Y den un scol di 250 alumno, ta papia di 6 pa 7 alumno. Pa e alumnonan aki, cada dia ta conta. 

E zomerscholen special pa cual gabinete Hulandes mester a aloca fondo caba, mester ta mas amplio cu e zomerscholen actual. Nan no por ta basa solamente riba enseñansa sino tambe hungamento, cultura y desaroyo socio economico di e alumnonan. ‘Algun ora di rekenen y taal no ta suficiente’.