Patruya di boto FRISC ta rescata persona y boto di bela

ORANJESTAD - Ayera merdia un boto di patruya di FRISC a detecta un boto di bela riba laman. E boto di bela tawata drif riba laman sin ningun persona na bordo na altura di Barcadera. Na momento cu e team di FRISC a bai mas serka a mira e don?o di e boto di bela den laman ta landa pa hiba e boto tera. E boto di bela tawata na un distansha basta leu for di Barcadera. E persona a indica ku e beugel di e bela a kibra cu consecuencia cu e no por a sigui nabega mas. E team di FRISC a saca e persona for di laman y tou e boto bai kune Aruba Nautical club. E persona tawata den bon estado di salud y por a bai cas despues di a yega tera. Wardacosta cu asistencia di Defensa a intensifica vigilancia riba laman pa proteccion di islanan y pa prohibi trafico maritimo ku no ta regula drenta.