Lo haci test cu hoben cu a fayece, pa wak si e ta relaciona cu COVID 19

ORANJESTAD – Un persona relativamente hoben cu a fayece diaranson mainta na Aruba, su morto por ta relaciona cu coronavirus. “Berdad cu nos a wordo notifica cu un persona relativamente hoben a fayece. Y tur esaki ta trece cu ne logicamente cu nos lo haci e testnan cu e persona” Minister di Salud Dangui Oduber a bisa, contestando pregunta di noticiacla.com durante e briefing di diaranson merdia. Mientras cu no ta confirma, y e mandatario no por a confirma ainda, tin indicacion cu e morto por ta relaciona cu e virus. Si esaki resulta di ta confirma, e por bira e di 2 caso di morto. Pero, e test tin cu confirma of desmenti esaki. 

TEST TUR HENDE ADMITI

Segun Oduber, e forma aki ta conta pa tur otro persona cu ta wordo admiti na hospital. “Si nan wordo admiti pa cualkier otro keho mes, e covid test ta wordo haci cu ne” Oduber a bisa. Despues el a bisa cu no tin indicacion cu e persona aki a fayece di COVI-19. “Pero e test lo wordo haci si pa trece claridad si e persona aki por a fayece di COVID si of no. Te na e momentonan aki nos no tin e informacion ey na nos disposicion