Knops: Reduci salario di gobernante ta bunita pero no suficiente

DEN HAAG – Cu parlamentario y ministernan na Aruba, Corsou y St Maarten kier entrega parti di nan salario, ta un bunita gesto. Pero mester sosode mas cu esey” . Asina secretario di estado Hulandes Raymond Knops ta bisa segun e raportahe di Caribisch Netwerk.  

Politiconan riba tur tres islanan autonomo tambe ta haya cu nan tin cu haci sacrificio pasobra aki ra to ciudadanonan tin cu haci sacrificionan grandi door di coronavirus. Knops kier pa otro salarionan halto di gobierno tambe bira algo di pasado. Pa gabinete Hulandes ta un caso corecto cu gobernantenan riba e islanan no por sigui haya salario halto. Sigur no awor cu ta solicita ayudo di Hulanda.

“Ta inaceptacbel cu di un banda tin hende sin cumninda mientras cu di otro banda tin hende sin cuminda y di otro banda hende ta wordo paga e tipo di salarionan aki pa un isla asina chikito” Knops a sigui bisa.  

No ta solamente salarionan di politiconan mes, pero loke segun gobierno Hulandes, sino tambe salario di esnan cu ta traha na companianan estatal di gobierno y lugarnan manera Banco Central di Corsou y St Maarten. E salarionan haltisimo ta creando hopi rabia den politica di Den Haag. E secretario di estado ta spera cu e islanan lo bay haci palabracionan declaracionan fuerte, y bin cu leynan cu ta regla esaki. Un plan ta pa entrega 10% di nan salario, y tambe e bonus di juni.