Pelukero contagia cu coronavirus tabata duna servicio ‘special’ na su cas

ORANJESTAD – E caso di buskeda di personanan cu por a keda contagia cu coronavirus door di un pelukero, ta hendenan cu a haya e servicio di dje, estilo ‘domicilio’ y no via e negoshi mes. Como tal no por multa e negoshi riba su mes pasobra esaki supuestamente lo no tabata habri. Asina Sharline Koolman di DVG a bisa diamars anochi durante e briefing riba coronavirus. E hendenan cu ta wordo busca pa posibel contagio, ta esnan cu a responde na un aviso pa un servicio ‘personal’ na cas di e doño, cu den e caso aki aki, ta na e negoshi mes, pero e parti di e cas. Tabata mas tempran den dia ora cu DVG mes a haci un peticion general pa esnan cu por a keda contagia, meld nan mes na e centro di contacto, si nan haya nan mes cu simptoma menciona di e virus. E pelukero, cu ta doño di su mesun pelukeria (Beauty Salon) ta un victima mes, interna actualmente den Cuido Intensivo di Hospital.