Cargamento di klapchi transporta pa Wela

ORANJESTAD – Awe merdia bou vigilancia di polis, a transporta varios container cu klapchi pa e deposito di Wela. Segun informacion cu NoticiaCla.com tin, esaki ta tur e containernan cu tabata falta pa yega, y ainda ta duda cu por keda cla cu tur. E comision di klapchi a desmenti informacion cu lo tin scarsedad di klapchi, pero awor ta mira cu toch e posibilidad tey cu tin scarsedad. E motibo no ta pasobra no tin suficiente klapchi, pero cu lo no por keda cla cu tur inspeccion di e klapchi na tempo. Si esaki keda cla mes, lo ta net net. Pero awe tabatin estorbo caba di awacero cu a para e trabou algun rato.