IMF: Economia mundial lo sufri pio cu depression di 1930 pa COVID 19

WASHINGTON (AP) — Economia mundial den 2020 lo sufri su pio momento desde e depression grandi di 1930, segun Fondo Monetario Internacional (IMF) a bisa den su pronostico mas recien diamars. Segun IMF, e ta premira cu e economia global lo bira 3% menos e aña aki, cu ta hopi mas pio cu e ‘dip’ di 0.1% den e resesion di 2009. Y ta premira cu na 2021 e lo bounce bek cu un crecemento di 5.8%. Pero e ta admiti cu e prospectonan pa otro aña ta nubla pa incertidumbres.  

COVID 19

E evaluacion negativo ta representa un ‘downgrade’ mahos di IMF. Den su pronostido  previo na januari ultimo, prome cu COVID 19, el a pronostica un crecemento modesto mundial di 3.3%. Pero medidanan fuerte pa contene e pandemia, incluyendo lockdowns, cierre di negoshi, distanciamento social, y restriccion di biahe repentinamente a pone e economia para keto casi completo rond mundo. Segun e gerente director Kristalina Georgieva, el a menasa cu mundo ta confrontando e pio caida economico desde e depression  grandi di 1930. Mercadonan di Africa y Latino America ta esnan mas na risico.