Wardacosta a intensifica vigilancia pa islanan ABC relaciona cu coronavirus

ORANJESTAD – Warda Costas cu asistencia di defensa ta intensifica vigilancia pa proteccion di e islanan ABC. Asina nan ta informa. En coneccion cu e virus di corona, frontera maritime di e islanan ABC ta cera. Den e medida pa trafico maritimo cu ta na vigor, ta stipula cu solamente trafico regula ta permiti pa nabega yega e islanan. Trafico maritimo cu no ta regula, ta prohibi pa drenta pa evita cu posibel fuentenan infecta cu COVID 19 por yega tera. Wardacosta cu asistencia di defensa a uni forza un biaha mas pa asina tuma medidanan di extra precaucion pa proteha e fronteranan.