Wever: Por lo pronto medidanan pa COVID19 ta keda vigente

ORANJESTAD – Por lo pronto no ta mustra cu lo cambia e medidanan tuma pa loke ta e crisis di coronavirus. Asina prome minister Evelyn Croes a bisa durante e briefind di coronavirus dialuna anochi. Esaki no obstante cu mayoria di medidanan ta valido te 19 di april proximo. E mandatario a indica cu lo dura un poco prome cu e medidanan cambia y lo dicidi e siman aki mas concreto, cua medida ta keda prolonga despues di 19 di april y cua no, y lo anuncia esaki. E unico fecha concreto di prolongacion aworaki, ta e scolnan cu ta keda cera te 11 di mei proximo.

APERTURA PA TURISMO

Pa loke ta e apertura di turismo, esaki lo tarda mas, pasobra mester mira prome con e situacion ta internacionalmente mirando cu e chens ta keda cu por importa e virus pa Aruba. Como tal, lo tin cu atende cu e situacion na nivel local prome cu por pensa riba habri frontera pa laga turistanan drenta. Asina e mandatario a sigui bisa.