Plasterk: Parlamento di Aruba tin ultimo palabra riba presupuesto adapta of no

DEN HAAG/ORANJESTAD – Parlamento di Aruba tin ultimo palabra riba presupuesto adapta of no. Gobernador no ta contra e presupuesto di Aruba. Pero ora cu gobernador sinti cu un landsverordening (ley) ta bay contra puntonan manera stipula den articulo 21 di reglement di gobernador di Aruba, e por nenga di firma e presupuesto. Asina minister Ronald Plasterk ta contesta Tweede Kamer si Hulanda ta actuando legal y ta metiendo den un asunto interno di un pais. Y porta loke ta mas importante pa Aruba compronde, ta cu Plasterk ta sigura cu e decision si parlamento ta adapta e presupuesto 2014 despues di posibel consehonan, ta keda completamente na parlamento y gobierno pa dicidi.

Un di e preguntanan crucial tabata e metemento di Hulanda den Aruba su asuntonan di finanza, siendo cu esaki mester ta un asunto interno. Como tal parlamento hulandes kier tabata sa a base di cua regla /articulo den statuut, gobernador a actua. Esaki pasobra e ley di Reino di financieel toezicht, (manera a sosode cu Corsou y St Maarten) no ta aplicabel pa Aruba. Esaki pasobra Aruba no a haya su debenan financia pa Hulanda. Plasterk ta mustra, cu di otro banda, gobernador sinti cu tin algo malo, e por wanta e presupuesto. Y awor cu e KB aki, e tin cu wanta e presupuesto, te ora cu esaki dune e poder pa actua otro. “Gobernador ta representa gobierno di Reino, y ta cai bou di responsabilidad di gobierno di Reino. Y