Cantidad di caso positivo di coronavirus a keda na 92 pa Aruba

ORANJESTAD – E cantidad di caso positivo di coronavirus for di diasabra cu el a yega 92, no a cambia. Segun prome minister Evelyn Wever Croes dialuna durante e briefing, a mustra cu entre esnan cu a test diadomingo, no tabatin casonan positivo mas. Esey no kier men cu cos ta cla. Lo sigui test y lo aumenta esaki den e siman cu ta bin aki. Pa aworaki, e cantidad di casonan activo ta 60, y tin 103 hende den cuarentena ainda. Loke si tabatin den fin di siman, tabata mas persona cu a recupera, treciendo e cantidad total na 32.