Saba ta registra su prome caso positivo di coronavirus

THE BOTTOM – E isla di Saba diasabra anochi a registra su prome caso positivo di coronavirus COVID 19. Asina gobernador di e isla Jonathan Johnsen a confirma diasabra anochi. Segun Johnsen, e ta un di e tres test cu a haci diasabra di cual 1 a bolbe positivo. A raporta mesora cu esaki ta un caso local, ya cu e persona no tin un historia di biahe. Mesora a anuncia un total lockdown di e isla, pa duracion di 2 siman. E isla tin casi 2000 mil habitante (1950), y te cu awor tabata un di e islanan di Caribe Hulandes cu no tabatin ningun caso, hunto cu Bonaire. Segun e gobernador, no ta descarta cu tin mas caso awor, mirando cu ta trata di un caso local, pues e lo a plama caba entre habitantenan. Tabatin medidanan tuma caba, pero cu e lockdown total, esaki ta keda intensiva, cuminsando mei anochi diadomingo. Di e 6 islanan di Caribe Hulandes, Aruba ta na cabez cu mas hopi caso registra cu 92, sigui pa St Maarten cu tabatin 25 sigui pa Corsou cu 14.